Sallatë me spinaq e shpejtë dhe plot vlera ushqimore. Shoqëruar me vezë kjo sallatë është gjithashtu e pasur me proteinat e duhura për një dietë të shëndetshme.
Sallatë me spinaq
Sasia: 2 persona
Kalori: 140kcal
Përbërësit
- 200 gr spinaq
- 3 lugë salcë kosi
- 2 kokrra vezë
- pak djathë kaçkavall
- disa kokrra shege
- vaj ulliri
- kripë
- rigon
- piper
- majdanoz
- hudhër
Përgatitja
- Kjo sallatë me spinaq është shumë e shpejtë. Në fillim në një enë me ujë vëmë vezët për të zier, më pas përgatitim salcën e kosit. Në enën ku është salca i hedhim pak kripë, piper,rigon, vaj ulliri pak hudhër të shtypur dhe e trazojmë.
Spinaqin e larë e të kulluar nga uji e hedhim në një enë qelqi dhe e përziejmë me salcën që përgatitëm. E hedhim në pjatën e servirjes.
Vezët e ziera i qërojmë ,i ndajmë në dy pjesë, e i vendosim në pjatë. Sipër djathin kaçkavall të prerë në feta të holla shtojmë disa kokrra shegë, majdanoz e karota.
Kompozimin e pjatës e bëjmë sipas fantazisë. Sipër e spërkatim me vaj ulliri. Sallatë me spinaq është gati.
Recetat për sallatë ruse, sallatë cesar ose sallatë panxhari.
Ju bëftë mirë!
