Fërgesë me miell misri është një meze që përdoret si shoqëruese në drekë ose darkë. Është një recetë shumë e thjeshtë dhe e përdorur kryesisht në sofrat tironse.
Fërgesë me miell misri
Sasia: 2 persona
Kalori: 240kcal
Përbërësit
- 150 gr miell misri
- 150 gr gjizë
- 500 ml qumësht
- 40 gr gjalpë
- 2 lugë gjelle vaj ulliri
- 3-4 thelpinj hudhër
- pak spec djegës
- 2 kokrra vezë
- pak qepë të njoma
Përgatitja
Për të përgatitur fërgesë me miell misri, në një enë të vendosur në zjarr hedhim gjalpin, e lemë të shkrijë dhe shtojmë vajin dhe miellin. Miellin e përziejmë shpesh me një lugë druri, sa ai të marri një ngjyrë të artë.
Më pas shtojmë gjizën, qumështin, duke e trazuar masën vazhdimisht që të mos bëhet kokrriza.
Pasi masa ka marrë valë e lemë të ziejë edhe për 7-8 minuta. Shtojmë hudhrat e shtypura dhe specin pikant sipas dëshirës.
Fërgesë me miell misri është gati. Gjatë servirjes në pjatë vendoset veza e zier, pak qepë të njoma të prera hollë.
Lexoni recetat për lakror me miell misri ose si të gatuajmë bukë misri
Ju bëftë mirë!
