Recetë e thjeshtë për biskota. Një mënyrë e mirë për të bërë dhe fëmijët pjesëtar të gatimit. Provojeni këtë recetë për biskota duke ndryshuar herë pas here frutat e thata. Nëse do përdorni mollët shtoni dhe pak kanellë pluhur, do të ngeleni të mahnitur.
Kjo recetë për biskota është shumë e mirë dhe mund ta përgatisni për tu konsumuar nga fëmijët në mëngjes ose pasdite. Ata i pëlqejnë ëmbëlsirat me gjalpë dhe këto biskota mund të kthehen ne të preferuat e tyre. Këtë recetë sigurisht mund ta gatuani së bashku me fëmijët.
Biskota për fëmijë
Sasia: 4 persona
Kalori: 50kcal
Përbërësit
- 160 gr gjalpë
- 110 gr sheqer
- 1 kokërr vezë
- 270 gr miell integral
- fruta të thata të prera hollë
- pak kripë
Përgatitja
Për të përgatitur biskotat, në një enë qelqi hedhim gjalpin, sheqerin, vezën, kripën i trazojmë sa të bëhet një masë e plotë.
Më pas shtojmë miellin të përzierë me frutat e thata. Masën e transferojmë në tavolinën e punës dhe e ngjeshim me dorë për 5 minuta.
Masën e mbështjellim me qese kuzhine dhe e lemë të pushojë në frigorifer për 30 minuta.
Më pas brumin e biskotave e hapim në tavolinë e punës, me anë të një peci me trashësi 1 cm. E presim brumin me format që dëshirojmë ose me ndihmën e një stampe japim format.
Biskotat i vendosim në një tavë ku kemi shtruar një letër kuzhine. Tavën e futim në furrë të nxehur 190° për 10-12 minuta. Biskota për fëmijë janë gati.
Receta të tjera që ju keshillojmë:
Ju bëftë mirë!
