Supë karota është një pjatë e parë shumë e shijshme. E përgatitur me perime te freskëta kthehet në një recetë dietike dhe të shëndetshme. Ndiqni videon e përgatitur dhe mos harroni të abonoheni në kanalin tonë në YouTube për të marrë të parët njoftimet për videot e reja.
Supë karota
Sasia: 4 persona
Kalori: 230kcal
Video
Përbërësit
- 600 gr karota
- 1 kokërr patate
- 1 kokërr qepë
- 1/2 presh
- 2-3 lugë gjëlle vaj ulliri
- kripë
- piper
- rozmarinë
- 3 gjethe sherebele
- 3 feta bukë të thekur
Përgatitja
Si fillim për të përgatitur supë karota, pastrojmë e lajmë të gjitha perimet. Presim në pjesë të vogla karotat e patatet. Preshin, qepën, hudhrën e presim hollë dhe i hedhim në një enë me vajin e ullirit. I kaurdisim në zjarr të avashëm derisa të zbuten pak.
Shtojmë në enë patatet dhe karotat, të cilat i kaurdisim për 5-6 minuta. Më pas në enën me perime hedhim uji ose lëng perimesh sa të mbulohen të gjitha perimet. Shtojmë kripën dhe erëzat. Enën e lemë në zjarr të avashëm për gati 20 minuta.
Pasi e shikojmë që kanë zier perimet, largojmë gjethet e sherebeles dhe me anë të një zhytësi elektrik grijmë perimet, sa të bëhen kremoze. Supë karota e shërbejmë në pjatë të thellë dhe sipër i shtojmë pak bukë të thekur dhe vaj ulliri.
Supa serviret e ngrohtë dhe nëse dëshironi shtoni pak djathë të grirë.
Receta për supe karota, supe orizi dhe supë me domate.
Ju bëftë mirë
Zbuloni pse duhet të hani karrota?
