Një recetë e shëndetshme me aromë delikate, e butë dhe e shijshme. Receta për lakror misri me presh përgatitet në pak minuta dhe me pak përbërës.
Lakror misri me presh
Sasia: 6 persona
Kalori: 240kcal
Përbërësit
Për brumin
- 500 gr miell misri
- 400 ml kos
- 2 kokrra vezë
- 50 ml vaj ulliri
- 5 gr kripë
Për mbushjen
- 1 kg presh
- 10 ml vaj ulliri
- 10 gr kripë
- 5 gr piper
- pak mendrës
Përgatitja
Hapi i parë përgatitim mbushjen
Për të përgatitur këtë recetë të shëndetshme lakror misri me presh, lajmë preshin dhe e presim hollë. Në një enë hedhim vaj ulliri dhe me pas bashkojmë preshin. Hedhim kripën dhe kaurdisim preshin në zjarr të avashëm. Pasi bëhet preshi i shtojmë erëzat.
Hapi i dytë përgatitim brumin
Në një enë hedhim vezët, kosin, vajin, pak kripë dhe i përziejmë duke shtuar edhe miellin e misrit. Pasi brumi është bërë një masë e plotë hedhim gjysmën e tij në një tavë të lyer me vaj.
Sipër shtojmë mbushjen duke e hapur me lugë në të gjithë sipërfaqen e brumit. Mbushjen e mbulojmë me pjesën tjetër të brumit.
Lakror misri me presh e pjekim në furrë të nxehur në temperaturën 200 °C për 20 minuta. Lakrorin mund ta shoqërojmë me një gotë kos të bardhë.
Lexo gjithashtu recetën për lakror me qepe ose lakror mbushur me hidhra.
Ju bëftë mirë nga WeTekst Shqip!
